Agar aap ek non-technical founder hain, to aapke paas hoga:
1. Ek Vision
2. Ek Drive
3. Aur ek problem solve karne ka jazba.
Lekin jab software development ki baat aati hai, to kuch common galtiyan hoti hain jo aapke project ko nuksaan pahucha sakti hain aur aapke resources waste kar sakti hain.
Yeh 6 mistakes jo maine aksar dekhi hain aur inhe kaise avoid kiya ja sakta hai
1. Software ki Complexity Ko Halka Samajhna
Software development koi aasan kaam nahi hai. Yeh ek detailed planning, time, aur expertise ki demand karta hai. Project ki complexity ya required resources ko kam mat samjhiye.
Fix: Experienced developers se shuru mein hi mashwara kariye. Realistic estimates lijiye aur ek clear roadmap banaiye.
2. Features Pe Zyada Dhyan Dena, Functionality Bhool Jana
Kayi baar cool features banane ka craze hota hai, lekin agar woh users ke liye real problem solve nahi kar rahe, to woh bas distractions hain.
Fix: Pehle ek minimum viable product (MVP) launch kariye. Sirf un features par focus kariye jo users ke liye sabse zyada value create karte hain.
3. Technical Debt Ko Nazarandaz Karna
Development mein shortcuts lena shuru mein time bacha sakta hai, lekin baad mein yeh technical debt ka reason ban sakta hai – jisme code messy, buggy aur maintain karna mushkil hota hai.
Fix: Clean code likhna aur strong architecture banana aapki priority honi chahiye. Regular testing kariye aur technical issues ko jaldi fix kariye.
4. Developers Par Zyada Control Rakhna
Agar aapne skilled developers hire kiye hain, to unke expertise par trust kariye. Unko micromanage karne se creativity par nuksan ho sakta hai aur unmein frustration badh sakti hai.
Fix: Apni vision aur goals ko clear rakhkar communicate kariye, lekin apni team ko technical decisions lene ki azadi dijiye
5. User Experience (UX) Ko Nazar Andaz Karna
User experience bahut zaroori hota hai product ke successful hone ke liye. Agar aapka software use karna mushkil ya frustrating hai, to users jaldi hi chhod denge.
Fix: Shuru se hi UX designers ko involve kariye. User testing se feedback lijiye aur ensure kariye ki aapka product intuitive aur user-friendly ho.
6. Project Ko Cheap Cost Mein Develop Karwane Ki Koshish Karna
Aksar non-technical founders project ko kam se kam cost mein complete karwana chahte hain. Lekin yeh approach quality compromise karne par majboor kar sakti hai, jo aapko aage chalke zyada mehenga pad sakta hai.
Fix: Quality development ko investment ke taur par dekhiye, na ki kharcha. Best value ke liye experienced developers aur robust solutions mein invest kariye, taaki aapka product long-term mein successful ho.
Software banane mein ek poori team ki zaroorat hoti hai.
In mistakes ko avoid karke, aap apne project ko success ke liye tayar kar sakte hain aur ek aisa product bana sakte hain jo users ke beech popular ho.
Galtiyan honi hai, lekin unse seekhna sabse zaroori hai.
For more information, visit our website at Webpino Softwares.
Stay Connected:
- Follow us on Instagram: @WebpinoSoftwares
- Connect with us on LinkedIn: Webpino Softwares
